Presidenti amerikan, Donald Trump, njoftoi të martën në konferencën për shtyp rreth coronavirusit në Shtëpinë e Bardhë se Shtetet e Bashkuara menjëherë do të ‘suspendojnë’ të gjitha fondet për Organizatën Botërore të Shëndetit (OBSH).
Sipas mediave të huaja, përcjell Telegrafi, presidenti amerikan ka thënë se ai ka udhëzuar administratën e tij që të ndalojë fondet për Organizatën Botërore të Shëndetit (OBSH).
Sipas CNN, presidenti Trump njoftoi të martën se po ndalon fondet për Organizatën Botërore të Shëndetit ndërsa “të bëhet një rishikim”.
Trump tha se rishikimi do të mbulojë “rolin e OBSH-së në keqmenaxhimin e rëndë dhe mbulimin e përhapjes së coronavirusit”.
Ai madje tha se OBSH kishte “dështuar në detyrën e saj themelore” në përgjigjen e saj ndaj shpërthimit të coronavirusit, shkruan BBC.
Trump: Today, I am instructing made administration to halt funding of the World Health Organization while a review is conducted to assess the World Health Organization’s role in severely mismanaging and covering up the spread of the coronavirus. pic.twitter.com/sJ9w3FUqCM
— Julio Rosas (@Julio_Rosas11) April 14, 2020
Trump akuzoi organin e Kombeve të Bashkuara se nuk kishte treguar të vërtetën për atë që po ndodhte në qendër të shpërthimit kinez në qytetin e Wuhan.
Ndryshe, po sipas BBC, z. Trump ka akuzuar më parë OBSH-në për njëanshmëri ndaj Kinës.
Gjithashtu vë në pah BBC, presidenti amerikan është kritikuar në SHBA për trajtimin e tij ndaj shpërthimit.
“Unë po e udhëzoj administratën time për të ndaluar fondet ndërsa është bërë një rishikim në rolin e Organizatës Botërore të Shëndetit në keqmenaxhimin dhe mbulimin e përhapjes së coronavirusit”, citohet të ketë thënë Trump gjatë një konference në Shtëpinë e Bardhë.
Sipas tij, “OBSH dështoi në detyrën e saj themelore dhe ajo duhet të mbahet përgjegjëse”.
Siç shkruan USA Today, SHBA pagoi 893 milionë dollarë për OBSH-në gjatë buxhetit dy-vjeçar, sipas faqes së internetit të organizatës.
Këto para përfaqësojnë rreth 15% të buxhetit të OBSH-së. /Telegrafi/