Presidenti amerikan, Donald Trump, është shprehur sërish optimist duke thënë se do të ketë një vaksinë kundër coronavirusit deri në fund të këtij viti.
“Jemi të bindur se do ta kemi vaksinën deri në fund të vitit”, tha Trump gjatë të dielës mbrëma, transmeton Telegrafi.
Ai këto komente i bëri gjatë një paraqitje televizive për Fox News Channel me Bret Baier dhe Martha MaccCallum, të cilët e realizuan nga memoriali Lincoln.
Gjatë dy orëve, qytetarët amerikanë kanë pasur rastin t’i bëjnë pyetje Trumpit përmes videos, ku më vonë i është bashkuar edhe zëvendës presidenti Mike Pence dhe Sekretari i Thesarit, Steven Mnuchin.
Trump i cili vazhdimisht deklaron se është koha për rihapjen e ekonomisë, parashikoi se nga coronavirusi në SHBA mund të humbin jetën deri në 100 mijë qytetarët amerikanë.
Kohë më parë Trump kishte paralajmëruar se në SHBA mund të humbin jetën 240 mijë qytetarë nga COVID-19, por më prill pati ndërruar mendje duke thënë se ky numër mund të shkojë në 50. /Telegrafi/