Ndërsa amerikanët shkonin drejt qendrave të votimit për të votuar për presidentin e ardhshëm Donald Trump ose sfiduesin e tij demokrat Joe Biden si presidentin e tyre të ardhshëm, lideri Republikan mohoi çdo spekulim se ai do të pretendojë një fitore të parakohshme duke thënë se ai do të deklarojë fitoren “vetëm kur të ketë fitore” .
Sipas mediave të huaja, përcjell Telegrafi, Trump tha se ai kishte një “shans shumë të fortë për të fituar” por minimizoi pretendimet se ai planifikonte të deklarojë para kohe fitoren para se të grumbulloheshin mjaft vota për të përcaktuar një fitues.
Ndryshe, uebfaqja e lajmeve Axios njoftoi të dielën se Trump po planifikon të deklarojë një fitore të parakohshme të martën mbrëma nëse duket se ai është përpara në garë edhe nëse votat ende numërohen dhe shtetet kryesore nuk janë thirrur.
Pas raportit, Twitter tha të hënën se do të shtojë një “etiketë paralajmëruese” për çdo postim që shpall para kohe fituesin në zgjedhjet presidenciale dhe kongresit të SHBA-së. /Telegrafi/