Niveli i ekzagjerimit të mburrjes së presidentit Donald Trump, ka arritur një nivel rekord, pasi ai është krenuar se me masat që ka ndërmarrë qeveria e tij ndaj coronavirusit, i ka shpëtuar “miliarda” jetë. Derisa në tërë Shtetet e Bashkuara, nuk jetojnë më shumë se 330 banorë.
Gjatë ditës së hënë, Trup pretendoi se i kanë shpëtuar “dhjetëra mijëra”, apo edhe “qindra mijëra” jetë, pasi në fund të janarit ua ndaloi hyrjen të huajve, që në dy javët e fundit kishin qenë në Kinë. Por, ndalesat nuk u aplikuan edhe për amerikanë, duke lejuar që sëmundja të hynte në Shtetet e Bashkuara, transmeton Telegrafi.
Në paraqitjen e fundit para medieve, Trump e bëri edhe pretendimin e çuditshëm të “miliarda” jetëve. Bazuar në disa të dhëna që i referohej presidenti, ishte parashikuar që në Shtet e Bashkuara të vdisnin 100 deri në 200 mijë njerëz. “Unë me të vërtetë besoj se mund të kenë qenë miliarda njerëz [që do vdisnin], sikur të mos e kishim bërë atë që bëmë. Ne kemi marrë vendime shumë të mira”, shtoi presidenti.
“It could have been billions of people if we had not done what we did” — Trump absurdly claims that his move to restrict travel from China saved a billion or more lives pic.twitter.com/GbkI4ozs8F
— Aaron Rupar (@atrupar) April 18, 2020
Huffington Post raporton se janë tetë miliardë njerëz në botë, ndërsa Trump mund të jetë duke u krenuar, se ka shpëtuar jetën e miliarda njerëzve, për ndonjë arsye të panjohur.
Shtetet e Bashkuara e kanë gati një të tretën e 2.3 milionë rasteve të sëmurë me coronavirus, në të gjithë globin – numri më i madh në botë – por vetëm 4.2% e popullsisë së Tokës. Me 36 mijë viktima, transmeton Telegrafi, Shtetet e Bashkuara e kanë edhe numrin më të madh të viktimave nga kjo pandemi.
Andaj, duket se të gjitha masat që i ka marrë ky shtet në parandalimin e coronavirusit, duket se nuk janë duke funksionuar. Megjithatë, Trump deklaroi se Shtete e Bashkuara “i kanë përmirësuar në mënyrë dramatike rezultatet shëndetësore, më mirë se çdo shtet tjetër, në përjashtim të Gjermanisë”.
Nuk është e sigurt, transmeton Telegrafi se sa njerëz do të vdesin përfundimisht nga coronavirusi. Por, shumë ekspertë kanë thënë se Shteteve të Bashkuara do t’ju kushtojë me jetë të panumërta njerëzish, për shkak të disa muajve të mosveprimit të Trump, mungesës së testimeve, mungesës së izolimit dhe distancës sociale. /Telegrafi/