Presidenti amerikan Donald Trump, i kishte pyetur ndihmësit e tij nëse do të vdiste nga COVID-19, derisa po transportohej në spital, kur u bë i ditur lajmi për diagnozën e tij.
Biseda mes tyre u bë e ditur përmes një postimi në Twitter nga gazetari dhe njëherësh shkrimtari Gabriel Sherman.
Sipas tij, Trump i kishte pyetur ndihmësit nëse do të përfundonte ngjashëm sikurse miku i tij Stan Chera, pasi ky i fundit kishte vdekur nga coronavirusi gjatë muajit prill.
“Para se të dërgohej në Walter Reed, Trump i pyeste vazhdimisht ndihmësit, ‘mos ndoshta jeta ime do të përfundojë ngjashëm sikurse e Stan Cheras”, shkroi Sherman në Twitter, përcjell Telegrafi.
Conversations w Republicans close to WH over last 12 hours indicate it’s been far more dire than WH has said. Before being taken to Walter Reed, Trump kept asking aides, “Am I going out like Stan Chera? Am I?” (Chera was Trump’s NYC friend who died of Covid in April)
— Gabriel Sherman (@gabrielsherman) October 3, 2020
Ndryshe presidenti amerikan i cili u diagnostikua me sëmundjen e COVID-19, është duke e vazhduar trajtimin në spitalin ushtarak, Walter Reed.
Trump, tha se beson që “do të kthehet së shpejti”, duke shtuar se tani ndihet shumë më mirë se sa “dy ditë më parë”.
“Kur erdha këtu nuk ndihesha mirë, por tani mendoj se jam shumë më mirë”, u shpreh ai. /Telegrafi/
