Site icon Telegrafi

Trump kërcënon me tarifa të larta Kanadanë, Meksikën dhe Kinën

Donald Trump thotë se do të godasë Kinën, Meksikën dhe Kanadanë me tarifa të reja që në ditën e parë të presidencës së tij.

Këtë, siç raportojnë mediat e huaja, përcjell Telegrafi, Trump do ta bëjë në një përpjekje për t’i detyruar ata të godasin emigracionin e paligjshëm dhe kontrabandën e drogës në SHBA.

Presidenti i zgjedhur i SHBA-së tha se do të nënshkruante një urdhër ekzekutiv që vendos një tarifë prej 25% për të gjitha mallrat që vijnë nga Meksika dhe Kanadaja, pasi të inaugurohej më 20 janar 2025.

Ai tha gjithashtu se një tarifë shtesë prej 10% do t’i vendoset Kinës derisa qeveria e saj të godasë kontrabandën e fentanilit në SHBA.

Nëse Trump vazhdon, kjo do të shënojë një përshkallëzim të madh të tensioneve me tre partnerët kryesorë tregtarë të SHBA-së.

Kjo mund të çojë gjithashtu në çmime më të larta për amerikanët, pasi tarifat funksionojnë si një formë tatimi mbi importet.

SHBA është importuesi më i madh në botë. Kina, Meksika dhe Kanadaja përbëjnë rreth 40% të 3.2 trilionë dollarëve të mallrave që importon çdo vit, sipas të dhënave zyrtare.

Kina ka mbrojtur përpjekjet e saj për të ndaluar rrjedhën e drogave të paligjshme dhe ka paralajmëruar se nuk mund të ketë fitues në një luftë tregtare mes të dyjave vendeve.

Dhe masat kanë potencialin të shkaktojnë ndërprerje në zinxhirin global të furnizimit dhe do të godasin rëndë tri vendet e synuara nga tarifat. /Telegrafi/

Exit mobile version