Kandidatja demokrate, Kamala Harris dhe ai republikan, Donald Trump po vazhdojnë me tubimet e tyre para zgjedhjet presidenciale amerikane.
Trump ka folur para mbështetësve në Austin, Teksas – në një ngjarje ku mori pjesë edhe senatori, Ted Cruz, i cili po lufton për mbetur ende pjesë e Kongresit amerikan.
Ish-presidenti amerikan e nisi me temën e kufirit, një pikë e madhe sherri në Teksas – shteti amerikan me kufirin më të gjatë me Meksikën.
Ai akuzoi kundërshtaren për “importimin e bandave kriminale” përtej kufirit dhe thotë se SHBA-ja është bërë “një vend depozitimi”, shkruan skynews.
Me tonin karakteristik të fortë, 78-vjeçari e cilëson si “krim kundër njerëzimit” situatën në kufirin amerikano-meksikan.
Ndryshe, zgjedhjet presidenciale amerikane pritet të zhvillohen më 5 nëntor (e martë). /Telegrafi/
