Njëri nga ata që u kanë bërë pyetje, Karl Becker në debatin e dytë presidencial ka kërkuar nga Donald Trump dhe Hillary Clinton që të thonë një gjë pozitive të cilën ata e shohin tek njëri-tjetri.
Kjo pyetje në rrjetet sociale është vlerësuar si shumë e mirë, sidomos në një situatë kur kandidatët gjenden në një garë të ashpër e përcjellë me akuza të ndryshme.
Dhe kësaj pyetje i janë përgjigjur edhe kandidatët, përcjell Telegrafi.
Sipas Hillary Clinton, çfarë ajo respekton tek kundërkandidati janë fëmijët e tij.
“Unë nuk pajtohem me pothuajse me çdo gjë që ai thotë, por respektoj fëmijët e tij. Si nënë dhe si gjyshe, kjo për mua është shumë e rëndësishme”, ka thënë Clinton.
Trump e falënderoi për komplimentet për fëmijët dhe shtoi:
“Për të do të thosha se nuk heq dorë dhe nuk dorëzohet, për këtë e respektoj”, ka thënë Trump për Hillary Clinton. /Telegrafi/
