Presidenti amerikan Donald Trump, ka anuluar takimin me homologun rus Vladimir Putin, që ishte paraparë të mbahet të shtunën. Dy presidentët është dashur të takohen në margjinat e samitit të G-20-së në Argjentinë, transmeton Telegrafi.
“Duke marrë parasysh faktin që marinarët dhe anijet nuk janë kthyer nga ana e Rusisë në Ukrainë, kam vendosur që për gjitha këto do të jetë më mirë të anulojë takimin e planifikuar në Argjentinë me presidentit rus Vladimir Putin”, ka shkruar Trump në Twitter, transmeton Telegrafi.
Zëdhënësi i Kremlinit, Dmitrij Peskov, ka deklaruar se Kremlini zyrtar nuk ka pranuar kurrfarë informacioni zyrtar për anulimin e takimit të planifikuar mes presidentit rus Vladimir Putin dhe atij amerikan Donald Trump.
Based on the fact that the ships and sailors have not been returned to Ukraine from Russia, I have decided it would be best for all parties concerned to cancel my previously scheduled meeting….
— Donald J. Trump (@realDonaldTrump) November 29, 2018
Kujtojmë se Trump menjëherë pas tensionimit të raporteve mes Rusisë dhe Ukrainës, kishte deklaruar se mund të mos ndodh takimi i paraparë në Buenos Aires.
Javën e kaluar tri anije ushtarake të Ukrainës dhe ekuipazhi janë kapur nga rusët në Detin e Zi. /Telegrafi/