Presidenti amerikan, Donald Trump, ka deklaruar se qytetarët e SHBA-së po mësohen të jetojnë me coronavirusin, një ditë pasi u kthye në Shtëpinë e Bardhë.
Sipas medieve të huaja, përcjell Telegrafi, Trump para disa ditësh pati rezultuar pozitiv me COVID-19, dhe me këtë rast ishte dërguar për trajtim në Qendrën Mjekësore Walter Reed.
“Më shumë se 100 mijë njerëz vdesin nga gripi i zakonshëm pavarësisht vaksinës. A duhet ta mbyllim vendin? Ne kemi mësuar të jetojmë me të, sikurse po mësojmë të jetojmë tani edhe me COVID-19”, u shpreh Trump.
Ndryshe, rreth 22 mijë persona vlerësohet të kenë vdekur nga gripi i zakonshëm rreth vitit 2019-2020, bazuar në të dhënat statistikore të qeverisë amerikane.
Ndërkaq, afro 210 mijë njerëz vdiqën nga coronavirusi në SHBA, prej se shpërtheu pandemia. /Telegrafi/
Flu season is coming up! Many people every year, sometimes over 100,000, and despite the Vaccine, die from the Flu. Are we going to close down our Country? No, we have learned to live with it, just like we are learning to live with Covid, in most populations far less lethal!!!
— Donald J. Trump (@realDonaldTrump) October 6, 2020