Në mesin e lajmëtarëve të pranverës, sigurisht që bien në sy tulipanët, të cilët për shkak të ngjyrave të tyre janë një dekorim ideal për shtëpinë
Ju mund të vendosni një buqetë shumëngjyrëshe me këto lule pranverore në një vend qendror në shtëpinë ose trapezarinë tuaj, në mënyrë që të arrini efektin perfekt kur bëhet fjalë për dekorimin, transmeton Telegrafi.
Megjithatë, në mënyrë që këto lule t’ju qëndrojnë sa më gjatë, duhet të dini se si t’i mirëmbani ato në mënyrën e duhur.
Ruani ujin e vjetër të tulipanëve
Kur blini ose merrni tulipanë në kopsht, për herë të parë, mbushni vazon në mënyrë të sigurt me ujë të freskët të ftohtë (derdhni ujë në vazo vetëm në një lartësi prej pesë deri në dhjetë centimetrash) dhe më pas futeni buqetën brenda.
Njohësit e kësaj luleje të bukur e dinë se tulipanët kërkojnë shumë ujë, prandaj është e nevojshme që vazhdimisht të shtohet ujë.
Është gabim që shumë adhurues të kësaj luleje derdhin ujin e vjetër dhe shtojnë ujë të freskët, sepse kjo është arsyeja pse tulipanët mund të thahen më shpejt.
Domethënë, tulipanëve i përshtaten materiet që janë në ujë të ndenjur, kështu që nuk ka nevojë të derdhet. Është mirë të shtoni ujë herë pas here, sepse kështu këto lule do të qëndrojnë të freskëta për një kohë të gjatë. /Telegrafi/