Khloe Kardashian gjatë ditës së sotme (e diel), feston ditëlindjen e saj të 36-të.
Për një rast të tillë, shumë prej familjarëve të saj kanë përdorur rrjetet sociale për t’u uruar më të mirat e saj, përfshirë këtu edhe ish-partnerin, shkruan Daily Mail.
Tristan Thompson është basketbollisti i njohur, i cili tashmë ndan një vajzë me 36 vjeçaren, por që u ndan për shkak se ky i fundit thuhet se e kishte tradhtuar.
Përkundër kësaj, basketbollisti përmes rrjetit social Instagram, ka zgjedhur fjalët më të mira për ta uruar nënën e vajzës së tyre.
“Jam mjaftueshëm i vetëdijshëm që të di, se ti erdhe në jetën time për të më treguar se çka do të thotë të jesh një njeri i mrekullueshëm. E vlerësoj që kam mësuar të rritem për shkak teje”.
“Falënderoj Zotin që je një grua e bukur dhe e dashur për gjithkënd, veçanërisht për vajzën tonë True. Ti meriton të gjithë botën. True dhe unë të duam. Urime ditëlindjen”, është shprehur ai.
Kujtojmë se gjatë pandemisë coronavirus dyshja kanë qenë të izoluar së bashku, në të mirë të vajzës së tyre. /Telegrafi/