Franca e ka mposhtur Spanjën me rezultat 2-1, për të fituar trofeun e Ligës së Kombeve.
Finalja e garës më të re të UEFA-s që u zhvillu në stadiumin ‘San Siro’, kishte disa aksione të bukura nga të dyja palët.
Gjelat e filluan takimin më mirë, duke dominuar, me Karim Benzeman që në minutën e gjashtë tentoi të gjente ndonjë bashkëlojtar në zonë, por harkimi i tij u bllokua.
Rasti më kontrovers në këtë takim ishte kur Jules Kounde (31’), luajti me dorë, por VAR-i bëri me shenjë se nuk ishte e qëllimshme dhe Spanja nuk mori penallti.
Më pas, Franca lëshoi edhe një mundësi të mirë përmes Benzemas që nuk arriti të kthehej me kohë, për të pasuar te bashkëlojtarët, duke e humbur topin.
Spanja tentonte më shumë nga kundërsulmet, por mbrojtja e francezëve ishte tejet stabile dhe nuk lëshoi hapësira.
Franca më pas mbeti pa Raphael Varanen në fushë, shkaku që pësoi lëndim dhe lëshoi vendin për Dayot Upamecanon në minutën e 43-të.
45 minutat e dytë filluan mjaftë furishëm, duke u shënuar dy gola të shpejtë.
Ishte minuta e 64-të, kur Furia e Kuqe e zhbllokoi sfidën me një gol të realizuar nga Mikel Oyarzabal, që u asistua nga Sergio Busquets.
Por, gëzimi i spanjollëve zgjati vetëm dy minuta, pasi Gjelat i barazuan shifrat në 1-1.
Ishte Karim Benzema që pranoi një asistim nga Kylian Mbappe në minutën e 66-të, për të realizuar një gol të bukur nga këndi i vdekur.
Derisa u mendua se ndeshja po shkonte në vazhdime, Mbappe nuk mendoi kështu dhe shënoi golin e epërsinë për Francën.
80' GOOOOAAAAALLL!!! @KMbappe gets in behind and keeps his cool to put France in front! 🇪🇦1-2🇫🇷 | #FiersdetreBleus | #ESPFRA pic.twitter.com/ddhHajlTuq
— French Team ⭐⭐ (@FrenchTeam) October 10, 2021
Ishte minuta e 80-të, kur Theo Hernandez asistoi për asin e PSG-së, që arriti të mposht me lehtësi Unai Simonin.
Kështu, Franca e fitoi trofeun, i dyti që jepet në garën më të re të UEFA-s, me Portugalinë që tani është nënkampion. /Telegrafi/
https://twitter.com/ifast222/status/1447293710107123712?ref_src=twsrc%5Etfw%7Ctwcamp%5Etweetembed%7Ctwterm%5E1447293710107123712%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fspanja-shenoi-e-para-por-benzema-u-perkujdes-qe-ta-anulonte-golin-e-furise-e-kuqe-nje-perle%2F
https://twitter.com/lapulgaprop/status/1447293751504818178?ref_src=twsrc%5Etfw%7Ctwcamp%5Etweetembed%7Ctwterm%5E1447293751504818178%7Ctwgr%5E%7Ctwcon%5Es1_&ref_url=https%3A%2F%2Ftelegrafi.com%2Fspanja-shenoi-e-para-por-benzema-u-perkujdes-qe-ta-anulonte-golin-e-furise-e-kuqe-nje-perle%2F
Mbappe goal for France against Spain https://t.co/T9EWr77Svl
— Live News (@LiveNewsForAll_) October 10, 2021