Situata mbetet jashtëzakonisht e tensionuar në kryeqytetin e Irakut, Bagdad – pas një nate përleshjesh të armatosura, nga të cilat kanë gjetur vdekjen 30 persona dhe janë plagosur disa qindra të tjerë, sipas burimeve mjekësore.
“Kemi dëgjuar të shtëna armësh gjatë natës, janë përdorur armë të mesme dhe të lehta, kemi dëgjuar gjithashtu disa shpërthime brenda Zonës së Gjelbër”, ka thënë Mahmoud Abdelwahed i Al Jazeera, duke raportuar nga Bagdadi, përcjell Telegrafi.
The picture of #Iran|ian leader Qasem Solimani being destroyed by the pro Sadr protesters in Baghdad today. #Iraq
pic.twitter.com/Vfu1ywx0YL— Zaina Erhaim (@ZainaErhaim) August 29, 2022
“Situata është shumë e tensionuar dhe duket se të gjitha përpjekjet për deeskalim kanë dështuar. Ka pasur thirrje që Grand Marji’a, referenca e Madhe fetare Shia në qytetin Najaf të ndërhyjë për t’i dhënë fund këtij konflikti”, ka thënë më tej ai.
“Shumë njerëz këtu besojnë se meqenëse të gjitha ndërmjetësimet kanë dështuar, meqenëse të gjitha përpjekjet për deeskalim nuk kanë arritur ende një zgjidhje, atëherë e vetmja rrugëdalje për t’i dhënë fund këtij konfrontimi ushtarak, sipas tyre, është ndërhyrja nga Grand Marji’a”.
Report are coming in that 15 people have been shot and killed outside of the U.S embassy in #Baghdad pic.twitter.com/TR44i5WQxT
— Luke Rudkowski (@Lukewearechange) August 29, 2022
“Ky është një lloj kulmi i mosmarrëveshjeve politike 10 mujore midis politikanëve rivalë për formimin e një qeverie dhe gjatë muajve të fundit dhe domethënë që nga tërheqja e ligjvënësve të Sadr nga parlamenti”.
“Gjërat kanë ardhur duke u përshkallëzuar dhe ne kemi qenë dëshmitarë të protestave dhe kundër protestave”. /Telegrafi/