Më shumë se 500 liderë biznesi dhe 30 ekspertë të industrisë, drejtuesit kryesorë dhe vendimmarrësit që përfaqësojnë rajonin dhe botën do të diskutojnë mbi investimet e korporatave, strategjitë, mundësitë për zgjerim, dhe të eksplorojnë trendet më të fundit në zgjidhje, inovacione dhe praktikat më të mira brenda ekonomisë globale.
I mbajtur nën patronazhin e “Lartmadhërisë së tij” Dr. Sulltan bin Muhammed Al Qasimi, Anëtar i Këshillit të Lartë dhe Sundimtar i Sharjahut, forumi i IHD-së 2018 është organizuar nga Autoriteti i Investimeve dhe Zhvillimit të Sharjah.
Duke theksuar aktualitetin e diskutimeve që do të mbahen në qendër gjatë këtij edicioni të forumit IHD, u bë e ditur se: “Axhenda e forumit është hartuar për t’iu përgjigjur nevojës në rritje për të kuptuar plotësisht dhe për të bërë maksimumin e ndryshimeve të shpejta në trendet e tregut global dhe të hedhin dritë mbi mekanizmat e rinj që do të ndihmojnë në tërheqjen e investimeve në mënyrë më efektive në një shumëllojshmëri sektorësh për të nxitur rritjen gjithëpërfshirëse dhe të qëndrueshme “.
Presidenti i Emirateve të Bashkuara Arabe, Sheik Khalifa bin Zayed Al Nahyan ceku se: “Forumi bazohet në suksesin e edicioneve të mëparshme dhe e vlerëson Sharjahun për mjedisin e pasur dhe të favorshëm për biznes, gjë që e bën atë një destinacion kyç për investime.
Hind Al Youha, udhëheqëse nga Departamenti i Investimeve, Ministria e Ekonomisë, theksoi se Investimet e Huaja Direkte luajnë një rol kyç në përpjekjet për të nxitur rritjen ekonomike të vendeve, veçanërisht përmes transferimit dhe rivendosjes së teknologjive moderne, injektimi i më shumë kapitalit, krijimi i vendeve të punës, përmirësimi i niveleve të të ardhurave, rritja e efikasitetit të tregut dhe mbështetja e konkurrueshmërisë së ekonomisë kombëtare.
Duke filluar nga viti 2015, Forumi i IHD-ve në Sharjah është një nga forumet më të mëdha ekonomike dhe financiare në botë, dhe më i madhi për investimet e huaja i cili pret një numër të folësve të nivelit të lartë, ekspertëve dhe drejtorëve nga organizata private dhe sektorin publik në të gjithë botën.