Tri Federata bëhen bashkë për një mision humanitar. Presidenti i FSHF-së, Armand Duka ai FFK, Agim Ademi dhe presidenti i FFNM, Muamed Sejdini janë takuar sot dhe kanë vendosur të bëjnë një gjest shumë të rëndësishëm për të prekurit nga tërmeti.
Nëpërmjet një postimi në “Instagram”, kreu i FSHF-së, Armand Duka, bëri me dije se së bashku me homologët Sejdini dhe Ademi, do marrin përsipër rindërtimin e tri shtëpive të rrënuara.
NJOFTIMI I DUKËS:
Sot në Durrës prita & takova me kënaqësi miqtë dhe homologët e mi Presidentë të Federatës së Futbollit të Kosovës dhe Federatës së Futbollit të Maqedonisë së Veriut, Agim Ademi dhe Muamed Sejdini, të cilët shprehën dëshirën për t’ju bashkuar FSHF-së në kontributin për familjet e prekura nga tërmeti. Duke u nisur nga dëshira dhe nga gadishmëria nga i gjithë komuniteti i futbollit, ne marrim përsipër rindërtimin e tre shtëpive të rënuara. Fushata e ndihmës nga ana e FSHF-së do vijojë në ditët në vazhdim. Ne jemi një skuadër!
