Arsenali sot e ka konfirmuar Mikel Arteta si trajnerin e tyre të ri, ku ai ka nënshkruar një kontratë për tri vite e gjysmë.
Spanjolli do të fillojë punën e tij të re të dielën, por do të jetë i pranishëm në Goodison Park ku Arsenalit luan ndaj Evertonit të shtunën.
Arsenali aktualisht është shtatë pikë larg zonës së rënies dhe shpenzimet në afatin kalimtar të janarit duken të pashmangshme.
Sa para do të ketë Arteta në dispozicion nuk është bërë e ditur akoma.
Express Sport i ka hedhur një vështrim lojtarëve që mund të blihen dhe janë tre ata që kanë gjasa të ofrohen në ekipin e Artetas.
We challenge you to watch this without smiling 😁
Six minutes of behind-the-scenes footage from @m8arteta's first day 📺
Sit back. Relax. Enjoy. 👇
— Arsenal (@Arsenal) December 20, 2019
Bernd Leno do të vazhdojë të jetë në portë. Hector Bellerin do të jetë në të djathtën, ndërsa në të majtë Kieran Tierney.
Në qendër mund të blihet një mbrojtës dhe ai që ka tërhequr vëmendje është Pau Torres i Villarreal.
Partner me të ka gjasa të jetë David Luiz.
Matteo Guendouzi në qendër të mesfushës, ndërsa atij mund t’i shtohet Denis Zakaria nga Borussia Monchengladbach.
Mesut Ozil mund të qëndrojë, por pritet të blihet Ryan Fraser që luan te Bournemouth.
Pierre-Emerick Aubameyang dhe Nicolas Pepe do të formojnë pjesën tjetër të sulmit.
Formacioni
Leno; Tierney, Pau Torres, David Luiz, Bellerin; Guendouzi, Zakaria; Fraser, Ozil, Pepe; Aubameyang.
/Telegrafi/