Një djalë i vogël në pjesën lindore të Kinës dje është rrëzuar nga kati i katërt i një qendre tregtare, derisa po luante dhe në një moment ngec i varur në shkallët elektrike, të cilat e tërhoqën lart dhe më pas humbi forcën dhe u rrëzua.
Pamjet e filmuara nga kamerat e sigurisë shfaqin 3-vjeçarin duke qëndruar i varur në shkallët elektrike, derisa prindërit dhe motra e tij e madhe po pushonin vetëm pak metra larg tij, transmeton Telegrafi.
Nëna e tij e kishte vërejtur të birin duke qëndruar i varur në shkallë, por para se t’i afrohej ai humbi forcën dhe ra në tokë nga kati i katërt, duke mbetur i vdekur në vend.
Ngjarja e tmerrshme ka ndodhur në qytetin Xiaogan në provincën kineze Hubei, kurse ekipet emergjente me të mbërritur në vendin e ngjarjes vetëm se konstatuan vdekjen e vogëlushit. /Telegrafi/
