Trepça ka regjistruar fitore bindëse (81-48) përballë Bashkimit në duelin e zhvilluar në palestrën sportive “Minatori”.
Në çerekun e parë të lojës, vendasit i shënuan gjashtë pikë më shumë se vizitorët (16:10).
Diferenca e dy skuadrave sa u përket pikëve të shënuara në fraksionin e dytë ishte dhjetë (19:9), ashtu që kur shkuan në pushim, nikoqirët avanconin me rezultat 35-19.
Epërsia e Trepçës vazhdoi edhe në çerekun e tretë (20:17), ndërsa në të katërtin e vulosi fitoren me diferencë të lartë (26:12).
Në këtë mënyrë, Trepça është ngritur në vend të dytë në tabelë me pikë të barabarta me liderin Sigal Prishtina. /Telegrafi/