Trepça ka regjistruar fitore prej 94-86 në ndeshjen e parë të serisë finale të ‘play-offit’ në Superligën e Kosovës në basketboll kundër Pejës.
Në takimin e zhvilluar në palestrën “Minatori” të stërmbushur nga tifozët në Mitrovicë, ‘Xehetarët’ shfrytëzuan terrenin vendas për të regjistruar fitore.
Çereku i parë i takoi skuadrës nikoqire që e mbylli me epërsi (24-19). Në pjesëlojën e dytë, pejanët u rikthyen (23-29) për të shkuar në pushim me avantazh 47-48.
Edhe çereku i tretë ishte në favor të mysafirëve (18-21), të cilët e ngritën epërsinë në 65-69.
Mirëpo, në fraksionin e fundit, vendasit u rikthyen (29-17) për ta fituar gjithë ndeshjen me tetë pikë epërsi 94-86.
Përballja e dytë e serisë finale ndërmjet Pejës dhe Trepçës zhvillohet të dielën me fillim në ora 17:00.
Orari
E mërkurë
Trepça 94-86 Peja
E diel
17:00 Peja-Trepça
E enjte (11 maj)
20:00 Trepça-Peja
14 maj
17:00 Peja-Trepça (Finalja IV eventuale)
18 maj
20:00 Trepça-Peja (Finalja V eventuale)
/Telegrafi/