Kampionia e Kosovës, Trepça e ka nisur me fitore ndaj Golden Eagle Yllit edicionin e ri në ProCredit Superligën e Kosovës në basketboll.
Në xhiron e dytë, që ishte ndeshja e parë për kampionët, Trepça fitoi si vendas ndaj nën-kampionit Golden Eagle Yllit me rezultat 77:67 (23:17, 21:16, 20:16, 13:18).
Mitrovicasit e nisën për mrekulli ndeshjen, me një seri të jashtëzakonshme 16:2, por mysafirët u këndellen, ku çereku i parë përfundon 23:17.
‘Xehetarët’ për një nuancë ishin më të mirë edhe periudhën e dytë, për të shkuar në pushim me shifrat 44:33.
Vendasit vazhduan me lojë edhe në periodën e tretë, ku arritën epërsinë deri në 16 pikë, 59:43.
Ylli tentoi rikthimin në dhjetë minutat e fundit, por nuk ia arriti qëllimit dhe Trepça triumfoi 77:67.
Më i miri te vendasit ishte Desmond Cambridge Jr me 20 pikë e tetë kërcime, kurse te mysafirët më i miri ishte Terrell Brown me 35 pikë e nëntë kërcime.