Trepça ’89 dhe Besa kanë publikuar tashmë formacionet zyrtare për ndeshjen e vlefshme për javën e 32-të në Superligën e Kosovës.
Mitrovicasit janë nikoqir të pejanëve në ndeshjen e cila pritet të zhvillohet në stadiumin “Riza Lushta” me fillim nga ora 15:00.
Ekipi i Shpëtim Idrizit vjen nga tri humbje radhazi dhe synon t’i kthehet fitores për t’u shmangur nga pozitat që e rrezojnë nga kategoria.
Në anën tjetër, mysafirët e Leutrim Krasniqit kanë marrë një barazim të madh në ndeshjen e fundit ndaj Dritës dhe duan t’i shkaktojnë probleme edhe 89-shit.
Trajnerët e të dyja skuadrave kanë vendosur të startojnë me formacionet më të mira të mundshme, edhe përkundër mungesave.
Trepça ’89: Tofiloski; Ard.Muja, Mashau, Berisha, Dedia; Nene, Namani, Jashari; Shala, Darwish, Arb. Muja;
Besa: Haxhijaj; Maliqi, Halili, Hana, Xhaka; Salihu, Haxhiu, Beseni; Brruti, Syla, Tahiri.
/Telegrafi/