Trepça ’89 ka barazuar 1-1 me Ballkanin në ndeshjen e mbetur nga xhiroja e tretë në Albi Mall Superligën e Kosovës.
Ndeshja nisi me një ritëm të lartë, me dy skuadrat që tentuan të kalonin herët në epërsi
Skuadra vendase rrezikoi me anë të Rilind Nimanit, Ricardo Faty e Christian Mba, por që të tre nuk ia dolën të mposhtin portierin kundërshtar.
Në anën tjetër, kampioni në fuqi po ashtu pati raste të sigurta shënimi, mirëpo të saktë nuk u treguan Ermal Krasniqi, Lindon Ermallahu e Albion Rrahmani.
Në 45 minutat e dytë ishte një skenar tjetër, pasi dy ekipet u angazhuan më shumë, derisa u shënuan edhe dy gola.
Edhe pjesa e dytë kishte një insistim nga dy skuadrat për të shënuar golin e epërsisë, ndërsa fati i takimit u vendos në minutat e fundit.
Ishte minuta e 77-të e takimit, kur Mba asistoi te Abdulah Oyekanmi, që realizoi golin e epërsisë, dhe u mendua se kishin fituar tri pikë të mëdha.
Por, Ballkani nuk u dorëzua deri në fund dhe ia doli t’i barazonte shifrat në 1-1 me golin e realizuar prej Ermal Krasniqit (90+1).
Ballkani vazhdon të jetë në vendin e dytë me 34 pikë, ndërsa Trepça ’89 është ngjitur në të tetin me 19 sosh. /Telegrafi/
