Trepça ’89 ka arritur fitore të madhe ndaj Arbërisë me rezultat 1-0 në ndeshje hapëse të javës së 28-të.
Minatorët shënuan në rastin e parë serioz të tyre. Zhvillohej minuta e shtatë kur Ardian Muja pason bukur te Adenis Shala i cili shënoi për 1-0.
Të dy skuadra provuan në pjesën e parë, por nuk arritën të shënonin.
Ardian Muja në tentim për të gjuajtur, goditi portierin e Arbërisë, Andi Thaqi, i cili me urgjencë u largua për në spital.
Pjesa e dytë ishte interesant dhe me raste.
Rastin më të mirë për gol e kishte Marcelei nga penalltia, por që gjuajtja e tij shkoi jashtë.
Në anën tjetër për 89-shin rastet më të mira i kishin Muharrem Jashari dhe Zeki Ademi, por njërit shtylla e tjetrit portieri Kaçiu ia mohoi golin.
Trepça ’89 me këtë fitore ngjitet në pozitën e pestë me 35 pikë, ndërsa Arbëria mbetet në vendin e nëntë me 27 pikë. /Telegrafi/