Ky është momenti rrëqethës kur treni godet dhe e tërheq zvarrë rimorkion e një kamioni gjigant, pasi shoferi nuk kishte arritur të dëgjojë borinë derisa po kalonte binarët.
Videoja është filmuar nga kamerat e sigurisë dhe shfaqin aksidentin e tmerrshëm në Leon, Guanajuato të Meksikës, transmeton Telegrafi.
Në video shihet se si shoferi i kamionit me ngjyrë të bardhë pret një veturë të kalojë, dhe më pas të lëviz mbi binarët e trenit.
Por edhe pse shoferi i trenit gjatë tërë kohës i binte borisë për ta paralajmëruar shoferin e kamionit se mund ta pësojë keq, ai duket se nuk e kishte dëgjuar dhe kështu përfundoi duke u tërhequr zvarrë nëpër binarë.
Nuk dihet nëse shoferi i kamionit është lënduar apo e ka pësuar me jetë. Megjithatë, organizata botërore e shëndetësisë ka paralajmëruar më parë për numrin e madh të viktimave gjatë aksidenteve hekurudhore në Meksikë. /Telegrafi/
https://www.youtube.com/watch?v=mDI7_Nnojlg