Mashkulli i pushtuar me zërin e incizuar të gruas është arrestuar pasi që mbi tremijë orë brenda 16 muajve ka kaluar në telefonin pa pagesë.
Ky instalues 38-vjeçar i ujit është arrestuar nën akuzën se po shkatërronte biznesin e kompanisë e cila është pronare e linjës pa pagesë, derisa bëhet fjalë për kompaninë për furnizim me ushqim nga qyteti Takasaki.
”Kompania ka një telefon pa pagesë nëpërmes të cilit pranon kërkesat për dërgesa 24-orë në ditë”, ka thënë zëdhënësi i policisë.
”Mashkulli i akuzuar pohon se ka thirrur vazhdimisht sepse ka dashur të dëgjojë zërin e saj”, ka shtuar ai.
Kompania bart shpenzimet e thirrjeve, prandaj për thirrjet e tij në kohëzgjatje prej 3.100 orësh ka paguar pothuajse 25.000 euro.
Policia japoneze, sipas mediave lokale, ka përvojë me njerëzit e pushtuar nga zërat e femrave, pasi që raste të ngjashme kanë ndodhur edhe më herët.