Në një raport të përgatitur për komisionin e senatit për bankat në Washington, Bernanke i bën thirrje Kongresit që të miratojë sa më shpejt planin që iu vjen në ndihmë institucioneve financiare amerikane.
Ai tha se Rezerva Federale, siç njihet Banka Qendrore amerikane, e mbështet plotësisht paketën 700 miliardë dollarëshe të administratës së presidentit Bush për shpëtimin e këtyre institucioneve.
Korrespondenti i BBC-së për çështjet ekonomike thotë se pavarësisht nga reagimi fillestar, që ishte pozitiv, një numër i madh kongresistësh kanë shprehur dyshime për këtë paketë.
Ajo është më e madhja në historinë e Shteteve të Bashkuara.