Trofetë më të vlefshme të Champions League, Europa League dhe UEFA Super Cup do të ”shëtisin” në disa qytete të Maqedonisë, duke filluar nga 1 gushti.
Këto trofe do të ekspozohen në Tetovë, Ohër, Manastir, Prilep, Negotinë, Strumicë, Shtip, Kumanovë dhe Shkup, në prag të ndeshjes së Super kupës evropiane ndërmjet Real Madrid dhe Manchester United, përcjell Telegrafi Maqedoni.
Ky aktivitet do të zgjatë deri më 8 gusht, ndërkaq sportdashësit do të kenë mundësi që t’i shohin nga afër, të bëjnë ndonjë foto, si edhe do të kenë mundësi t’i testojnë njohuritë e tyre në futboll për të fituar shpërblime simbolike.
Aktiviteti përfshinë edhe ndeshje në futboll të vogël për mosha të reja. Karvani fillon në Tetovë, nga ora 9:00 deri në ora 11:00./Telegrafi/