Tre persona kanë marrë lëndime trupore në një aksident komunikacioni, i cili ka ndodhur sot paradite në Rrugën “Tirana”, në Prizren.
Lajmin për Telegrafin e bëri të ditur zëdhënësi i Policisë së Kosovës për Rajonin e Prizrenit, Vesel Gashi.
Sipas tij, aksidenti ka ndodhur në mes dy veturave dhe një motoçiklete.
“Dy vozitësit e veturave dhe i motoçikletës kanë pësuar lëndime trupore, ku për momentin janë duke u trajtuar në spitalin rajonal të Prizrenit”, tha Gashi.
Ai po ashtu tha se policia është duke u marr me hetimin e këtij rasti. /Telegrafi/