Një person i tretë është arrestuar në lidhje me një protestë të Just Stop Oil në Stonehenge, gjatë së cilës u spërkat pluhur portokalli mbi monumentin prehistorik.
Bëhet e ditur se një burrë rreth të 30-ave, nga Essex, u arrestua nga oficerët e Policisë Metropolitane, sipas policisë së Wiltshire.
Ai u arrestua nën dyshimin për ndihmë dhe nxitje të dëmtimit kriminal, ndihmës për hyrjen dhe dëmtimin e paautorizuar të një monumenti antik, si dhe ndihmës për shkelje të rëndë.
Por, ai është liruar me kusht, shkruan skynews, përcjell Telegrafi.
Just Stop Oil njoftoi se veprimi i saj ishte të kërkonte që qeveria e ardhshme e Mbretërisë së Bashkuar të pajtohej me një plan me vendet e tjera për t’i dhënë fund nxjerrjes dhe djegies së naftës, gazit dhe qymyrit deri në vitin 2030.
Siç raportohet, pas formës së protestës, ekspertët e kanë hequr me shpejtësi pluhurin nga gurët, pasi ekzistonte rreziku që ai të dëmtonte likenet e rralla që rriteshin mbi ta.
Një zëdhënëse e policisë së Wiltshire tha se dy të tjerët të arrestuar më parë në lidhje me incidentin – një burrë rreth të 70-tave dhe një grua në të 20-at – janë liruar me kusht, ndërsa hetimi vazhdon. /Telegrafi/