Amerikanët Harvey J. Alter dhe Charles M. Rice dhe britaniku Michael Houghton fituan Çmimin Nobel për Fiziologji ose Mjekësi në vitin 2020 për zbulimin e virusit të Hepatitit C, njoftoi të hënën Komiteti Nobel.
Sipas mediave të huaja, përcjell Telegrafi, të tre u nderuan për “kontributin e tyre vendimtar në luftën kundër hepatitit të transmetuar nga gjaku, një problem kryesor shëndetësor global që shkakton cirrozë dhe kancer të mëlçisë në njerëz në të gjithë botën”, tha juria.
“Zbulimi i virusit të Hepatitit C zbuloi shkakun e rasteve të mbetura të hepatitit kronik dhe bëri të mundur analizat e gjakut dhe ilaçeve të reja që kanë shpëtuar miliona jetë”, është thënë më tej.
“Para punës së tyre, zbulimi i viruseve Hepatiti A dhe B kishte qenë hap kritikë përpara”, tha Asambleja Nobel në Institutin Karolinska të Suedisë në një deklaratë mbi dhënien e çmimit në vlerë prej 1,1 milion dollarë. /Telegrafi/