Ministria e Brendshme e Francës ka bërë thirrje për shkarkimin e tre policëve që ishin filmuar duke rrahur një mashkull me ngjyrë në Paris, në një kohë kur Franca po debaton një ligj të propozuar që ndalon filmimin e oficerëve të policisë.
Një video e policëve duke rrahur një person u publikua nga revista “Loopsider”. Organi i mbikëqyrjes së policisë po shqyrton rastin dhe Ministri i Brendshëm, Gerald Darmanin ka bërë thirrje për dënimin e tre anëtarëve të forcave të sigurisë.
“Nëse autoritetet ligjore gjejnë paligjshmëri, unë do të kërkoj shkarkimin e tre oficerëve të policisë”, u citua të thoshte Darmanin, transmeton Telegrafi.
Ça s'est passé samedi à Paris. 15 minutes de coups et d'insultes racistes.
La folle scène de violences policières que nous révélons est tout simplement inouie et édifiante.
Il faut la regarder jusqu'au bout pour mesurer toute l'ampleur du problème. pic.twitter.com/vV00dOtmsg
— Loopsider (@Loopsidernews) November 26, 2020
Loopsider shkroi se burri i rrahur, një producent i muzikës me emrin Michel, ishte pa maskë, i cili ka bërë shkelje të rregullave aktuale të coronavirusit. Pasi pa një veturë policie që po afrohej, ai iku në studion e e muzikës.
Kamerat e vëzhgimit filmuan policinë duke e ndjekur brenda dhe duke e rrahur për disa minuta dhe Michel pretendon se ata shqiptuan fyerje raciste.
Kryeministri francez Jean Castex tha të enjten mbrëma, pas kritikave të publikut, se një komision i pavarur do të konsideronte një formulim tjetër të ligjit të diskutueshëm. /Telegrafi/