Tre persona kanë marrë lëndime trupore pasi u rrokulisën me makinë në rrugën rajonale Gostivar-Mavrovë, në afërsi të vendit Bunec.
Komunikacioni në vendin e aksidentit zhvillohet në njërën korsi, deri në përfundimin e hetimeve, përcjell Telegrafi Maqedoni.
Nga SPB Tetovë informojnë se rreth orës 11:00 makina “Opel Corsa” me targa të Shkupit, e drejtuar nga Gj.N (27), ka humbur kontrollin dhe është rrokullisur disa herë.
Shoferi dhe dy bashkëudhëtarët janë dërguar në spital në Mavrovë, ku u janë konstatuar lëndime të lehta trupore.
Nga policia njoftojnë se makina është dëmtuar në masë të madhe, ndërsa në rrjedhë janë hetimet për arsyet e aksidentit./Telegrafi/