Tre pacientë me COVID-19 në Spitalin e Pejës janë në gjendje të rëndë

Jehona Hulaj

4 years ago

Në Spitalin e Përgjithshëm në Pejë aktualisht po trajtohen 64 pacientë me COVID-19.

Sipas njoftimit nga ky spital, nga 64 pacientët, 57 janë të konfirmuar me COVID-19, dhe 7 janë në pritje të rezultateve.

“Nga pacientët e shtrirë 20 janë në Oksigjeno terapi, 3 pacientë janë në gjendje më të rëndë ndërsa pacientët e tjerë janë në gjendje më stabile. Numri i pacientëve të shëruar ka qenë 3.
Nga personeli i Spitalit 5 Mjek, 5 Infermierë dhe 1 Bioinxhinjer janë të infektuar me COVID-19, ndërsa numri i atyre që janë në pritje të rezultatit është 7”, thuhet në njoftim.

Përndryshe gjatë 24 orëve të fundit në Spitalin e Përgjithshëm në Pejë kanë qenë 11 lindje, 5 lindje kanë qenë normale dhe 6 me prerje cezariane. Kanë lindur 11 foshnje, 7 të gjinisë mashkullore dhe 4 të gjinisë femërore. 198 pacientë kanë marrë trajtim emergjent shëndetësorë në Spitalin e Përgjithshëm në Pejë. Nga këta 30 pacientë janë shtrirë për trajtim të mëtutjeshëm.

Gjatë ditës së djeshme në Spitalin e Përgjithshëm në Pejë janë kryer 9 operacione. 182 pacientë kanë kryer analiza, që në total kanë bërë 1,911 analiza. /Telegrafi/