“Severna Makedonia”, “Gorna Makedonia” dhe “Nova Makedonia” (në maqedonisht pa përkthim) janë tre emrat sipas gazetës greke “Real news”, që do të gjenden në tryezë në takimin e Methew Nimetz me negociuesit e të dy vendeve, Vasko Naumovski dhe Adamantios Vasilakis.
Në artikullin me titull “Në tryezë tre emra për Shkupin”, siç njoftojnë nga AIM, thuhet se më 19 janar, i dërguari i posaçëm i OKB-së, të dy palëve do t’u prezantojë tre emra.
“Sipas informacioneve, në tryezë gjenden emrat, ‘Severna Makedonia’, ‘Gorna Makedonia’ dhe ‘Nova Makedonia’ (pa përkthim), edhe pse nuk përjashtohet mundësia që Methju Nimic në momentin e fundit të krijojë edhe një emër të ri të përbërë. Këto emra, duket se i ka zgjedhur ndërmjetësuesi i posaçëm i KB-së, mes emrave tjerë që janë vendosur në tryezë, siç janë “Vardarska Makedonia’, ‘Sllavomakedonia’, propozim të cilin siç duket nuk e pranojnë shqiptarët nga Shkupi”, shkruan “Real News”.
Lidhur me mini Këshillin Ministror në pallatin e Kryeministrit të mbajtur të enjten, gazeta shkruan se Tsipras ka bërë me dije se negociatat kanë “afat” dhe nëse nuk ka perspektivë për zgjidhje, atëherë marsi do të jetë muaji kur bisedimet duhet të përshpejtohen.
Ndërsa, megjithatë Kotzias i ka njoftuar pjesëmarrësit në takimin për qëndrimet me të cilat Greqia po vjen në tryezën e negociatave, ndërkaq Kamenos ka thënë se ai nuk do të jetë shkak që të rrëzohet Qeveria.
Shefi i diplomacisë greke, siç shkruan gazeta, ka dalë me qëndrimin se do të ekzistojë shumicë në Parlament madje edhe në rast, se partneri i koalicionit në qeveri është kundër.
Panos Kammenos, sipas gazetës, me deklaratën se nuk do të pranojë përdorim të “termit grek Makedonia”, ndoshta pajtohen me një emër në të cilin termi Maqedoni do të ishte në maqedonisht pa përkthim.