Aktori Besart Zeneli është bërë pjesë gjithashtu e Big Brother VIP Kosova 2.
Besarti është aktor i njohur në Kosovë, teksa ka thënë se do të hyjë me objektiva të pastra në këtë ‘reality show’.
E veç tij, në shtëpi siç u paralajmërua ka hyrë edhe transgjinorja Edona James.
Ajo ka qenë paraprakisht në Big Brother në Gjermani dhe tha se nuk do t’i bëjë disa gabime që i ka bërë atje.
Edona, emri i së cilës origjinal është Kujtim Shehu, vjen nga Suhareka dhe është rritur në Gjermani.
Ajo mori famë veçanërisht në vitin 2014, kur u përfol për një aferë me legjendën e futbollit gjerman, Stefan Effenberg.
Në po atë vit, ajo mori vëmendje të madhe si transgjinorja e parë shqiptare. /Telegrafi/
