Kishte tentuar të vriste veten me revole në gojë, por mbeti gjallë e me fytyrë të shkatërruar.
Nëntë vite pas këtij akti, Andy Sandness u bë me hundë, buzë, gojë, faqe, nofulla, mjekër dhe madje edhe me dhëmbët e një 21-vjeçari (Calen “Rudy” Ross) që vitin e kaluar vrau veten, duke lënë pas gruan 19-vjeçare shtatzënë, transmeton Telegrafi
Sandness (32) kishte tentuar vetëvrasjen meqë ishte në depresion, por menjëherë ishte penduar dhe ishte lutur që mjekët ta shpëtojnë.
Vjet, gruaja e të ndjerit Calen kishte pranuar të dhuronte fytyrën e burrit të saj, meqë ishte edhe dëshira e të ndjerit të dhuroheshin organet e tij.
Sandness iu nënshtrua operacionit 56-orësh me 60 kirurgë. Disa operacione më të vogla vazhduan më vonë dhe rezultatet sot janë të pabesueshme.
Ai sot është bërë me fytyrë, duket tjetër – si i ndjeri Calen. /Telegrafi/
