Presidenti i Sionit, Kristian Konstantin, i ka vendosur një ultimatum të fundit trajnerit Paolo Tramexani, para se ta shkarkojë nga detyra.
Sot ai ishte tallur me Tramexanin, duke deklaruar se nuk ishte më të ardhëm me të dhe se kishte dyshime për aftësitë e tij. “Trajnerët janë si bostani, nuk e di si është pa e hapur”, kishte thënë ndër të tjera ai.
Por ndërsa pritej shkarkimi i Tramexanit, Konstantin ka vendosur që t’i japë edhe pak kohë trajnerit që të përçojë idetë e tij te ekipi.
“Pas asaj që pashë në Kupë, a nuk kisha të drejtë të kërkoja shpjegimet e rastit nga trajneri im?”, ishin fjalët e Konstantin i cili ka shpjeguar se i jepte afat tre ndeshje italianit për të kthyer fatin e këtij sezoni, takimet kundër Luganos, Young Boysit dhe Lausannes.
“Ai ka detyrim të reagojë. Nëse nuk ka kthesë, atëherë do të na duhet ët marrim zgjidhje shumë më radikale. Trajneri im është i ndërgjegjshëm për këtë”, tha Konstantin.