Forcat e policisë dhe FA kanë shpëtuar tre persona në Kalasë, pasi kanë rrezikuar jetën. Ata po tentonin që të kalonin lumin me traktor, pasi ishte shembur ura, por i mori rrjedha e lumit.
Ndërhyrja e banorëve dhe forcave që erdhën në ndihmë shpëtoi tre personat mbi traktor.
“Kape litarin, lidhe fort, mos e lësho, lidhe vajzën”, dëgjohen ulërimat në video e siguruar nga Report Tv.
Në traktor ndodhej drejtuesi së bashku dy vajza, njëra nga të cilat ishte e sëmurë dhe po transportohej në spital. Policia dhe banorët i shpëtuan tre personat mbi traktor me litar.
Banorët e fshatit janë bllokuar, pasi ura që u shemb ishte e vetmja rrugë që lidhte zonën me Sarandën. /Shqiptarja.com/
