Ju pranoni remitenca në Kosovë dhe jeni të interesuar për të përfituar më shumë nga remitencat për të ardhmen tuaj afatgjatë, si dhe për të kursyer apo për të investuar në biznesin tuaj?
Trajnimi „Si të përfitojmë më shumë nga remitencat“ do të jetë udhërrëfyesi juaj në këtë rrugëtim.
Në këtë vetë-studim, ju do të mësoni njohuritë bazë mbi remitencat dhe ndërmarrësinë, si dhe mbi atë se si t’i përdorni remitencat për të filluar dhe zhvilluar një biznes.
Trajnimi fillon me trajtimin e planifikimit buxhetor dhe kursimeve. Më pas, përqëndrohet në ndërmarrësinë, si dhe në planifikimin dhe menaxhimin e biznesit. Trajnimi vazhdon me një hyrje në konceptet bazike të marketingut, brendingut dhe komunikimit në biznes. Në fund, trajnimi ofron një rishikim të pasqyrave financiare, mënyrave tëvlerësimit të shëndetit financiar të biznesit përmes treguesve financiarë, si dhe mënyrës se sitë paguhen tatimet. Pas përfundimit të këtij trajnimi, ju do të mund t’i kuptoni më mirë remitencat, ndërmarrësinë si dhe financat e biznesit, gjë që do t’ju vendos ju në një pozitë më të mirë për të marrë vendime të mirëinformuara dhe për të bërë plane financiare për të ardhmen tuaj.
Për t’u regjistruar ndiqni hapat në vijim:
Krijoni një llogari personale në: https://www.atingi.org/
Pasi të keni konfirmuar llogarinë e juaj, përdorni linkun: (https://online.atingi.org/mod/resource/view.phpid=55593&forceview=1) për të ndjekur trajnimin.
Për më shumë detaje rreth regjistrimit, klikoni në: https://www.facebook.com/groups/425605949609603
Trajnimi është i qasshëm në çdo kohë dhe ju mund ta përfundoni atë sipas ritmit tuaj.
Ky trajnim ofrohet nga Economic Development Group, me mbështetje të Qeverisë Gjermane përmes GIZ Kosova.