Eusebio Di Francesco kritikoi përfundimin e Romës dhe gjyqtarin pas humbjes 4-1, por shtoi se Barcelona është e fortë dhe se ata nuk kanë nevojë për ndihmë.
Giallorossi u mposhtën në Camp Nou në pjesën e parë të çerekfinales së Ligës së Kampionëve, por shënuan dy autogola dhe ndihmuan një gol tjetër.
“Barcelona është tashmë një skuadër e fortë, ata nuk kanë nevojë për ndihmë. Këtë mbrëmje morën ndihmë nga ne dhe nga gjyqtari”, ka thënë fillimisht Di Francesco pas ndeshjes për Mediaset Premium.
“Ne kemi bërë një shfaqje të mirë këtë mbrëmje, por ka pasur gabime të kushtueshme dhe ne nuk mund të gjuajmë përgjegjësinë për të tjerët”.
“Unë nuk mund të ankohem në aspektin e karakterit dhe qëndrimit, sepse ne kemi gjetur veten në disavantazh 3-0 dhe nuk e kuptojmë se si kishte ndodhur”.
“Rezultati është shumë i ashpër duke pasur parasysh performancën dhe forcën e kundërshtarit. Goli i Daniele De Rossit ishte i pafat, ndërsa ne u dhamë atyre edhe një ndihmë kur Ivan Rakitic shënoi”.
“Ne ishim naivë dhe shumë të ngadaltë me rastin. Ne e nderonim rastin, por duhet të kishim qenë më mirë në leximin e situatave të caktuara. Duhet të shënosh gola kur të jepet shansi, si Diego Perotti dhe të tjerë. Duhet të jemi më klinik, sepse Barcelona është e pamëshirshme”.
“E vetmja gjë që mund të themi është se kemi bërë që Barcelona të luajë keq. Ne nuk duam t’iu lejojmë atyre vetëm mbajtjen e vazhdueshme. Ne pranuam gola në situata të pazakonta. Nëse krijoni mundësi për të shënuar në Camp Nou, ju duhet t’i konkretizoni ato”, përfundoi italiani. /Telegrafi/