Etrit Berisha u rikthyer në Serie A pas një sezoni me Spal në Serie B, duke nënshkruar me Torinon.
Portieri i Kombëtares shqiptare firmosi pak ditë më parë dhe u prezantua te skuadra e re, ndërsa ka nisur edhe stërvitjen.
Trajneri i Torinos, Ivan Juric ka “ngrirë” 32-vjeçarin shqiptar pasi në konferencën e sotme për shtyp është shprehur se Berisha nuk do të jetë titullar, por portieri i dytë.
🎙️🇭🇷#SFT pic.twitter.com/4JeClDWG6O
— Torino FC English (@TorinoFC1906_En) July 8, 2021
Sipas Juric, gardiani titullar i portës së Torinos në Serie A do të jetë serbi, Vanja Milinkovic-Savic, vëllai i mesfushorit të Lazios, Sergei Milinkovic-Savic.
Në anën tjetër Salvatore Sirigu do të largohet përfundimisht nga skuadra.
“Milinkovic-Savic do të jetë portieri titullar, ndërsa Berisha i dyti”, u shpreh Juric për portën e Torinos sezonin e ri.
Një lajm aspak i mirë për Berishën që duhet të presë momentin e tij për të treguar se e meriton të jetë startus. /Telegrafi/