Trajneri i RB Leipzig, Julian Nagelsmann ka shpjeguar se pse një pjesë e ekipit kishin fanella ndryshe nga pjesa tjetër në ndeshjen e së mërkurës në Ligën e Kampionëve ndaj Tottenhamit.
Skuadra gjermane siguroi një fitore me rezultat 1-0 në ndeshjen e parë me golin e Timo Werner nga penallti në Tottenham Stadiumin.
Megjithatë, disa tifozë vunë re që lojtarët e Leipzig kishin veshje sportive që nuk përputheshin, me disa lojtar që kishin veshur fanella të zeza me logo të kuqe dhe të verdhë të Red Bull në pjesën e përparme, dhe të tjerët me një të tillë ku logoja ishte e bardhezi.
Shënuesi i golit Werner në pjesën e parë mbante fanellë me logo të dhe në pjesën e dytë e veshi një me të kuq dhe të verdhë.
Trajneri Nagelsmann ka dhënë një shpjegimin të asaj që ndodhi.
“Gjatë rrugës nga hoteli, kompleti i fanellave nuk ishte i plotë në kuti të ndryshme”.
“Nuk ishte në autobus dhe kjo ishte arsyeja pse pati një përzierje. Padyshim që do të zgjidhet për në ndeshjen e dytë. Ne do të kemi cilësinë e duhur”, ka thënë ai.
Nagelsmann vazhdoi të lavdërojë ekipin e tij, por shtoi se ai mendon se mund të kishin shënuar më shumë gola. /Telegrafi/