Vinicius Junior është një nga lojtarët më të mirë që ka Real Madridi, por sulmuesi brazilian shpesh herë bie pre e provokimeve nga tifozët kundërshtarë.
Njësoj ka ndodhur edhe në sfidën ndaj Osasunës, ku Vini shkëlqeu në fushë, por nuk i harroi polemikat me tifozët.
Trajneri i Osasuna, Jagoba Arrasate e ka përshkruar Vinicius Junior si një futbollist të madh, duke refuzuar të tërhiqet zvarrë në polemikat rreth brazilianit.
Vini shënoi dy gola për të udhëhequr Real Madridin në një fitore dominuese 4-2 në Osasuna. Megjithatë, sulmuesi u ndëshkua me karton të verdhë në pjesën e parë, kartoni i tij i katërt radhazi.
“Ka zhurmë me Vinicius sepse ju djema pyesni gjithmonë. Ne fokusohemi te futbollisti i madh që ai është”.
“Nuk kemi qenë në gjendje ta ndalojmë atë, nëse ka zhurmë, sigurisht që nuk është për shkak të njerëzve që janë në futboll”, tha trajneri i Osasunës, Jagoba Arrasate.
Përveç dy golave nga Vini Jr, për Realin shënuan edhe Dani Carvajal dhe Brahim Diaz. /Telegrafi/