Feronikeli ka pësuar një humbje e cila e largon prej pozitës që e dërgon vitin e ardhshëm në garat evropiane.
Kampioni i vitit të kaluar u mposht si mysafirë e Llapit me rezultat 2-0, ku llapjanët me këtë fitore u ngritën në renditjen tabelore.
Pas takimit, trajneri i skuadrës drenicase, Ramiz Dervishi ka folur pas takimit, ku ka thënë se me gabimet e tyre, triumfoi skuadra vendase, transmeton Telegrafi.
“Ishte një papërgjegjësi në momentet e fundit. Nuk na ndihmoi edhe fati edhe humbëm. Morëm dy gola me gabimet tona. Do të mundohemi që të fitojmë në ndeshjet e mbetura dhe të shkojmë në garat evropiane”, tha pas ndeshjes Dervishi.
Pas kësaj, Feronikeli zë vendin e katër të renditjes tabelore të ligës elitare kosovare me 61 pikë ndërsa Llapi ngjitët në vendin e tretë me 62 pikë. /Telegrafi/