Me triumfin ndaj Trepça ’89, Drita është pozicionuar në krye të tabelës, ndërsa trajneri Ardian Nuhiu është shprehur i kënaqur me paraqitjen e të zgjedhurve të tij.
Ai e ka bërë të qartë se tri pikët e reja janë shumë të rëndësishme në garën për titullin e kampionit, në të cilën janë të përfshira disa skuadra.
Duke folur për SuperSport, strategu shkupjan ka theksuar se kundërshtari nuk pati shumë raste, ndërsa lojtarët e tij i zbatuan instruksionet.
Sa i përket garës për titullin e më të mirit në Kosovës, Nuhiu ka theksuar se konkurrenca do të jetë e madhe deri në mbyllje të kampionatit.
Sipas tij, rol të rëndësishëm do të luajnë përballjet e drejtpërdrejta, por ka thënë se ekipi i tij do t’i marrë ndeshjet një nga një. /Telegrafi/