Trajneri i Dritës, Shpëtim Duro, është shprehur i dëshpëruar me humbjen 2-0 ndaj Prishtinës.
Tekniku nga Shqipëria e pranon se skuadra nga kryeqyteti i Kosovës ka kualitete më shumë, ndërsa foli edhe për objektivat e klubit.
“Në pjesën e parë kemi luajtur më mirë, me pak kujdes edhe mund të shënonim”.
“Gabuam te goli i parë, i dhamë qetësi skuadrës së Prishtinës. Por, duhet ta pranojmë që Prishtina është më e mirë në fazën sulmuese”.
“Edhe sikur të fitonim sot ne jemi distancuar nga dy skuadrat kryesuese, fillimi i kampionatit ishte i shumë i keq dhe kështu na ka larguar shumë nga titulli”.
“Qëllimi është të përfundojmë në fund të sezonit në gjashtë skuadrat e para dhe normalisht kupa e ligës”, ka thënë Duro.
Drita renditet në vendin e gjashtë me 23 pikë, kurse Prishtina në pozitën e parë me 40 pikë. /Telegrafi/