Një video amatore shfaq momentin kur luani sulmon brutalisht punonjësin e një cirku në Rusi, në të cilin ishte mbledhur audienca për të ndjekur nga afër “spektaklin” me kafshë të egra.
Gjatë një pike në këtë cirk, dy luanë po luanin në kafaz para turmës kur një prej tyre i quajtur Bega, iu vërsul trajnerit që mundohej të mbrohej duke e goditur me shkop dhe që në ndihmë i dolën edhe kolegët.
E kur u duk që trajneri Maxim Orlov e ka situatën nën kontroll dhe u ngrit në këmbë për t’i ndëshkuar për mosbindje duke i goditur me shkop, ai u sulmua sërish, transmeton Telegrafi.
Si rezultat i kësaj është dërguar me urgjencë në spitalin më të afërt në Moshkovo, e në mesin e turmës që bërtisnin nga frika ishte edhe një grua shtatzënë që humbi vetëdijen nga frika.
“Rastet si kjo sot janë shumë të rralla, por kafshët janë kafshë – kurrë nuk i dihet”, ka thënë Orlov nga shtrati i spitalit. /Telegrafi/
