Trajneri i Chelseat, Graham Potter ka vlerësuar pozitivisht paraqitjen e të rinjve të Bluve, Armando Broja dhe Carney Chukwuemeka.
Dyshja kanë qenë të përfshirë në skuadrat e fundit të ndeshjeve për Blutë, me Brojën që nisi si titullar takimin e mbrëmshëm 0-0 kundër Brentford, ndërsa Chukwuemeka hyri në lojë gjatë ndeshjes.
Pas lojës, trajner anglez, Potter, iu kërkua verdikti i tij për dyshen e talentuar, ndërsa fjalët ishin pozitive.
Carney is on too! 👊
🐝 0-0 🔵 [64] #BreChe pic.twitter.com/sQ19M6ZQBH
— Chelsea FC (@ChelseaFC) October 19, 2022
“Nëse shikoni këto atribute, ai është një djalë me fuqi të madhe që mund të vrapojë dikë dhe të ikë nga kundërshtarët, dhe në një lojë si kjo ndaj Brentford, ju jeni shpesh në duele dhe keni nevojë për fizik, dhe mendova se ai dhe Christian bënë mirë kur hynë në lojë. Ata ndikuan në lojë. Ky ishte vetëm mendimi”.
“Ai është një lojtar i ri, por ka atribute emocionuese. Ne vetëm duhet ta ndihmojmë atë të arrijë potencialin e tij sepse potenciali i tij është emocionues”, ka thënë fillimisht Potter për Chukwuemeka.
Potter pastaj foli për ndeshjen e parë si titullar të Brojës.
“Ju patë dy ose tre veprime në pjesën e parë, për të cilat ai i bëri. Ai mund të sulmojë hapësirën ku nëse ka një hapësirë të madhe prapa, ai mund t’ju japë këtë mundësi”.
“Brentford bën presion të lartë dhe ata lënë hapësirë pas, kështu që ne ndjemë se Armandon mund ta përdornim për atë, dhe e bëmë atë dy ose tre herë, por ndoshta donim ta bënim më shumë sesa bëmë”, përfundoi trajneri i Bluve. /Telegrafi/