Trajneri i ekipit kombëtar të Republikës Çeke, Jaroslav Silhavy, e ka vlerësuar lartë Kosovën.
Në Grupi A marrin pjesë Anglia, Çekia, Bullgaria, Mali i Zi dhe Kosova. Sot në fushë do të jenë Mali i Zi që luan me Bullgarinë dhe Anglia që luan në shtëpi me Çekinë.
Trajneri Silhavyt ka thënë se skuadra favorite e këtij grupi është Anglia. Por ai beson se edhe në ndeshjet ndaj Kosovës dhe Malit të Zi, skuadra e tij duhet të djersitë shumë.
“Kosova dhe Mali i Zi kanë lojtarë që luajnë në liga shumë të forta”.
“Ata kanë epërsi në ndeshjen në shtëpi për shkak të tifozëve, që i japin mbështetje të mrekullueshme”.
“Sa i përket Kosovës, mendoj se ata janë ekipi më i mirë nga vazo e pestë. Nuk duhet ta nënvlerësojmë asnjë kundërshtar”, ka thënë Silhavy.
Kosova të enjten luajti me Danimarkën në një ndeshje miqësore ku barazoi 2-2. /Telegrafi/